Idagdagadag ti Department of Foreign Affairs kadagiti Pilipino nga agnanaed idiay Lebanon ti dagus a pannakarepatriate dagitoy bayat nga adda paylaeng dagiti commercial flights gapu iti manarimaan a gubat iti nagbaetan ti Israel ken dagiti militante a grupo ti Hezbollah.
Sigun kenni Department of Foreign Affairs Undersecretary Eduardo de Vega, awan ti naireport kadakuada a Pilipino a nadangran.
Nupay kasta, kasapulan ti dagus a panagawid dagiti Pilipino agsipud ta ad-adda a bumarbara ti tension kadagiti nadakamat a pagilian a nakatayan dagiti ginasgasut a miembro ti Hezbollah.
Kinunana a saan dagitoy a maballaagan dagiti Pilipino iti nasao a pagilian babaen iti celphone rason nga idagdagadag ti embahada a no mabalbalin ket agtalinaed dagitoy iti uneg ti pagtaengan ken liklikan ti panatravel iti dadduma a pagilian.
Iti datos dagitoy limagasut manipud kadagiti Pilipino idiay Lebanon ti nagsubli kadagiti pagtaenganda bayat a sangaribu met ti agpangpanggep paylaeng nga agawid iti Pilipinas.
