--Ads--

Saan a maliklikan nga iyebkas dagiti studyante ken dadduma pay a grupo a nakipaset iti protesta idi kalman, Nobyembre 16, iti syudad ti Baguio ti panagbabalawda iti police brutality.


Daytoy ket adda ti pakainaiganna kadagiti siam nga indibidual a maatap nga illegal a kinemmeg ti pulisya sadiay Liwasang Bonifacio sa Ermita, Manila ken 300 nga individual sadiay Lakbayan iti Timog Katagalugan iti Sucat, Muntinlupa City idi kalman, Nobyembre 15.


Iti siudad ti Baguio, naangay ti Indignation Protest a ” Free our Lakbayanis! Defend the Kampuhan” kadagiti nagduduma nga unibersidad iti syudad ti Baguio ken probinsya iti Benguet sakbay dagitoy a naurnong iti Igorot Garden para iti National Day of Action Against Imperialist Plunder and Aggression no sadino kinidawda ti panangwayawaya kadagiti nakemmeg a protesters. Nagbalin metlaeng a gundaway ti nasao a protesta tapno iyebkasda dagiti dadduma pay a pakaseknanda.


Kabayatanna, sigun iti maysa a nagsao kabayatan iti protesta idiay Igorot Garden , saan a “welcome” ni US President Donald Trump iti pagilian a Pilipinas gapu ta maysa daytoy a kriminal.


Inyebkasna pay nga iti sidung ngamin iti nasao a presidente ket agtultuloy ti exploitation ken dadduma pay.


Innayonna pay nga addun dagiti Pilipino a pimmusay gapu kadagiti Amerikano nu adalen ken tingitingen ti pakasaritaan ti pagilian a Pilipinas.


Kabayatanna, naadaan metlaeng iti kapada a protesta idiay Mountain Province ken Tabuk City, Kalinga.