--Ads--
BAGUIO CITY – Pimmusay ti maysa a police trainee kalpasan a dinungpar ti maysa nga SUV ti imanmanehona a motorsiklo sadiay Binmaley, Pangasinan.
Maibasar iti imbestigasyon dagiti otoridad, paruar iti maysa a gate ni Cristobal Bautista, 22-anyos ken residente ti Baguio City idi killaat daytoy a dinungpar ti Toyota Avanza SUV nga imanmaneho ni Antonio Miguel Sison, 18 anyos.
Naitaray iti pagagasan ni Bautista ngem naideklara a dead on arrival bayat a matamtaming iti ospital ni Sison kalpasan a nagsagrap iti gasgas iti sumagmamano a paset ti bagina.
Nagtunos met ti agsinumbangir a partido kalpasan ti nasao nga insidente.
