Inlawlawag ti Department of Health (DOH) nga awan ti turay dagiti politiko a mangipapaay iti medical assistance babaen ti panangipaulog iti guarantee letters (GLs) a mangpili no siasino ti pangipaayanda iti tulong.
Sigun kenni DOH spokesperson Assistant Secretary Albert Domingo, saanen a kasapulan ti guarantee letters manipud kadagiti politiko tapno agnumar iti Medical Assistance for Indigent and Financially Incapacitated Patients (MAIFIP) program.
Sigun pay kenkuana, maipaay ti tulong dipende iti panangsukimat dagiti medical social workers.
Kabayatanna, binalakadan ni Domingo dagiti pasiente nga agkidkiddaw iti tulong iti sidong ti MAIFIP a direkta a makikoordinarda kadagiti medical social services wenno social workers ti ospital mainaig kadagiti requirements.
Maipalagip a panggep ti MAIFIP program a mangipaay iti medical assistance kadagiti maikari nga indigent ken dagiti marigatan iti pinansial a pasiente.
