Impeksa ni Mayor Benjamin Magalong a maysa kadagiti karit a napasaran ti siudad kabayatan ti pangduprak ti naglabas a bagyo ken habagat ket ti panangipaay iti pondo ken “immediate response” kas iti napasamak sadiay Guisad Surong.
Gapu iti dayta, dakkel a tulong ti panagbisita ken panag-inspect ni Department of Public Works and Highways Secretary Vince Dizon idi kalman.
Sigun kenni Mayor Magalong, nagsaritaan dagitoy nga agturong ti opisyal saan laeng nga iti siudad nu diket iti metlaeng iti probinsya ti Benguet ken dadduma pay a lugar nga apektado iti kalamidad iti rehiyon Cordillera, rason tapno inimbintaranda metlaeng ti chairperson ti Regional Development Council ken gobernador ti Apayao a ni Elias Bulut Jr.
Naaddaan pay ti meeting sakbay iti nasao nga inspeksyon.
Kabayatanna, impetteng ni DPWH Secretary Dizon bayat iti inspeksyon nga impatungpal daytoy iti Ground Zero idiay Guisad Sur, Baguio City a nasken a maprotektaran ti komunidad iti nasao a lugar.
Impetteng met ni Mayor Magalong nga iti agdama, maururay pay laeng ti report manipud iti Mines Geosciences Bureau (MGB) tapno maamuan dagiti nasken a solusyon nga aramiden.
Inlawlawag ni Mayor Magalong nga adu ti klase ti slope protection no sadino nasken a mareview ti slope stability analysis ti nasao a lugar tapno makita nu anya ti kasasayaatan a maaramid nga slope protection.
Iti agdama, sumagmamano a pamilya a dumanon iti 3 agingga uppat ti apektado iti panagregaay ti agtaltalinaed pay laeng iti evacuation center bayat a dagiti dadduma ket nakipagnaed pay laeng dagiti kabagyanda.
Innayon met ti opisyal a priority dagiti pamilya nga apektado iti panagregaay ti bantay iti socialized housing project.
Agtultuloy met ti pannakaipaay ti psychosocial support ken dadduma pay nga assistance para kadagiti pamilya nga apektado.
Iti sabali a bangir, manamnama nga iti 3rd quarter ti sumaruno a tawen ti panangrugi ti panang-accomodate kadagiti socialized housing project beneficiaries.
Sigun kenni Mayor Magalong, mapapapartak metten ti pannakaleppas ti socialized housing kas iti Luna Terraces housing program no sadino agserbi kas priority daytoy ti Barangay Asin ken Barangay Irisan.
Immunan nga impeksa ni Mayor Magalong nga innem nga areas ti kitkitaenda – tallo nga areas idiay Baranagy Irisan, maysa idiay GSIS, maysa idiay DICT, ken maysa idiay Barangay Asin.
Maipalagip a ti Luna Terraces housing program ti kaunaan a local government socialized housing ken resettlement project iti siudad. // via Bombo Noveh Organo
