Naipanamnama nga ipangpangruna ti gobierno iti probinsya ti Benguet ti pannakaipaay ti tulong kadagiti mannalon iti probinsya.
Daytoy ket kagiddan ti mapaspasaran a krisis ti lana iti pagilian.
Sigun kenni Benguet Governor Melchor Diclas, addan ti tulong para kadagiti transport group a nagtaud iti Department of Social Welfare and Development (DSWD) ken Department of Transportan (DOTr).
Kabayatanna, agtaud iti probinsiya ti Benguet ti pondo a maipaay para iti subsidiya dagiti mannalon iti probinsiya.
Posible a maipaay ti P5,000 a fuel subsidy kadagiti kualipikado a mannalon.
Sigun kenni Gov. Diclas, dumanon iti P20 million ti pondo ti probinsiya no sadino, kaadduan kadagitoy ket maipaay kadagiti mannalon.
Impanamnama ti opisial nga i-validate ti tunggal munisipyo dagiti kualipikado a maipaayan iti nasao a subsidiya.//Bombo Noveh Organo