BAGUIO CITY – Dumanon iti P20-M ti pondo a mabalin nga aramaten dagiti nakukurapay nga agturong kadagiti nagduduma ospital iti probinsia ti Benguet.
Iti panakiyuman ti Bombo Radyo Baguio, kinuna ni Benguet Governor Melchor Diclas a libre ti Medical Assistance to Indigent Patient a paset ti pondo nga nagtaud iti Bayanihan to Recover As One Act wenno Bayanihan 2 ken manipod iti opisina ni Benguet Caretaker Congressman Eric Yap.
Sigun kenkuana mabalin nga agnumar dagiti agkasapulan nga pasyente babaen iti panagturong sadiay Social Welfare Office wenno iti opisina dagitoy para iti assessment ti aplikasyon dagitoy.
Innayonna a dakkel a katulongan daytoy kangrunaan kadagiti umili a nakukurapay nga adda itin uneg ti pagagasan.
Kabayatanna, dinakamat ni Governor Diclas a dumanon iti P25-M ti pondo a nailatang metlang para kadagiti mannalon ditoy Benguet manipod iti Bayanihan 2.
Kinunana pay a maipaay metlang ti sag-P1-M kadagiti district hospitals ti probinsia.
