BAGUIO CITY – Naksayan ti pondo ti National Economic and Development Authority (NEDA) – Cordillera ita a tawen 2018.
Inlawlawag ni NEDA – Cordillera regional director Milagros Rimando nga ita a tawen ket nagbalin a P13 Million ti pondo ti ahensia, nabbababa no idilig iti singasing dagitoy a P15 Million.
Kinunana a daytoy ket gaputa saan a naaramat ti NEDA-Cordillera ti amin a pondo dagitoy a naipaay idi 2017.
Dinakamatna a kadagiti napalpalabas a tawen ket dumanon laeng iti P13 Million agingga P14 Million ti pondo a naar-aramat ti ahensya bayat a dagiti kuwarta a saanda a naaramat ket naisubli iti nasyonal a gobyerno.
Impakaammona met a ti P13 million a pondo a naipaay kadakuada para ita a tawen ket maaramat para iti Information Education Campaign iti maisaksad nga otonomiya ti rehiyon ken dadduma pay a programa ti ahensia.
