--Ads--
Impeksa ni Pope Francis idi laeng kalman ti pannakipagriknana iti arsobispo ti New Orleans gapu iti panagatake a napasamak iti siudad ti Estados Unidos a nakatayan ti agarup sangapulo ket lima a tattao.
Daytoy ket babaen ti impatulod a surat ti Vatican.
Sigun iti secretary of state ti Vatican a ni Cardinal Pietro Parolin, kenni Archbishop Gregory Aymond, nalaos unay ti ladingit ti Santo Papa iti napasamak.
Innayon pay ti nasao nga opisial agkarkararag ti Santo Papa para iti pannakaagas ken liwliwa dagiti nadangran ken natayan.
