Insingasing ni Pope Francis a rumbeng nga adalen dagiti otoridad ti kampania ti Israel idiay Gaza ken sukimaten nu maibilang daytoy kas “genocide” kadagiti tattao ti Palestine.
Kadagiti naadaw a naipablaak idi laeng kalman manipud iti baro a libro, kinuna ti Santo Papa nga impeksa ti sumagmamano nga eksperto a ti mapaspasamak idiay Gaza ket addaan kadagiti pakabigbigan a genocide daytoy.
Gapu iti dayta, kayat ti Santo Papa a maimbestigaran a naimbag tapno matingiting no daytoy ket maibagay iti teknikal a depinision ti “genocide” a binukel babaen dagiti “jurists” ken organisasion.
Ngem pinaglibakan ti Israel ti amin a pammabasol iti genocide.
Maipalagip nga idi napalabas a Disiembre, nangipila ti South Africa ti kaso kontra iti Israel iti International Court of Justice gapu iti mapapati a panaglabsing ti Genocide Convention.
Idi Enero imbilin dagiti hues iti korte ti Israel a siguraduenna nga awan ti aramiden dagiti otoridad nga aramiden ti genocide.
