Kiniddaw ni Pope Francis kenni sigud a Senate president Juan Miguel Zubiri a “salaknibanna ti pamilia” kasaruno paylaeng iti panangipasa ti Kamara iti singasing nga Absolute Divorce Bill.
Daytoy ket bayat ti panagbisita ti Senador idi Hunio a singko iti agdama a tawen.
Sigun kenni Zubiri, aramidenna ti kabaelanna tapno masalakniban ti pamilia ken kanayun a lagipenna daytoy.
Inladawan ni Zubiri ti bukodna a bagi kas maysa a “pro-family” ken “pro-life”.
Ti Pilipinas kas maysa a “secular state” ket maudi a pagilian iti sangalubungan malaksid iti Vatican a saan a ligal ti doboriso.
Nagturong ni Zubiri iti Europa tapno makipag-bonding daytoy iti pamiliana.
Kadua ti nasao nga opisial ti asawan ken ti tallo nga anakna nu sadinno nakitada iti Santo Papa bayat ti “weekly catechesis” ken panagkakaragda iti “world peace”.
Kinaduan dagitoy ni Philippine Ambassador to the Holy See Myla Grace Ragenia Macahilig.
Maipalagip nga idi Mayo 22, inaprobaran ti House of Representatives iti maikatlo ken pinal a pannakaibasana ti absolute divorce bill nu sadinno, nabutosan daytoy iti 131 para iti pabor, 109 ti saan a pimmabor bayat a 20 ti saan a nagbotos.
