Kinondenar ni Pope Leo XIV ti giera iti panangipaayna iti homily iti Sagrada Familia idiay Barcelona idi laeng kalman.
Kinuna iti Santo Papa a saan a mabalin nga ibilang a pudno a Kristiano dagiti indibidual a mangitantandudo iti giera wenno pammapatay kadagiti inosente.
Impaganetgetna metlaeng ti panagtulong kadagiti migrants a naglibas iti kinapanglaw ken riribuk.
Numan pay saanna a direkta a pinanaganan ni US President Donald Trump, ti homily iti Santo Papa ket mainaig iti nabayag a panagtubngarna kadagiti tignay iti miltar ti Estados Unidos kontra iti Iran.
Inawaganna metlaeng nga “outdated” ti konsepto iti “just war” nga ar-aramaten iti sumagmamano nga opisial iti Estados Unidos tapno paneknekan ti operasion kontra iti Iran.
Immunan a naaddaan iti pammabalaw iti nagbaetan iti Santo Papa ken US President Trump maipapan iti giera ken migration.
Impaganetget iti Santo Papa a pagrebbengan iti simbaan nga ipaadal ti kinatalna ken ti Ebanghelyo, aniaman ti agbalin a reaksion dagiti kritiko.