Kinondenar ni Pope Leo XIV (14) ti pananggundaway dagiti napanglaw ken kiniddawna ti panagkaykaysa iti simbaan bayat ti inaugural Mass iti St. Peter’s Square idiay Vatican a pinasetan dagiti world leaders, royalty ken rinibribo a namati.
Simmangpet ni Pope Leo idiay Vatican a nakalugan iti popemobile ken inabrasada ti riyaw manipod iti rinibribu a tattao iti St. Peter’s Square.
Mapatta-patta a dumanon iti 100,000 a tattao ti naguummong iti panangrugi ti misa ita nga aldaw, sigun kadagiti otoridad.
Karaman kadagiti nakipaset iti dua nga oras a liturgy ket da Vice-President JD Vance, US Secretary of State Marco Rubio, ken Ukrainian President Volodymyr Zelensky, a naimatangan a nagkinnablaaw iti tunggal maysa sakbay ti panagrugi ti simba.
Malaksid kadakuada, nakidar-ay metlaeng ti president ti Peru a ni Dina Boluarte.