LA TRINIDAD – Kidkiddawen ni La Trinidad Mayor Romeo Salda iti pannangipaay ti pormal nga abiso ti Department of Health mainaig iti impormasion wenno kaudian a kaso dagitoy iti UK Variant ti COVID-19.
Iti interview ti Bombo Radyo Baguio ken Mayor Salda, inaklonna a naawatna laeng ti impormasyson seknan iti kaso dagitoy iti UK Variant babaen iti text message
Inlawlawagna a nasaysayaat nu maidalan iti pormal nga abiso wenno babaen iti dokumento ti pamay-an ti Department of Health a mangipaay iti kaudian ngaa impormasion wenno datus dagitoy iti UK variant.
kabayatanna, imbinglayna a manarimaan iti panag-quarantine dagiti agdama a kaso dagitoy iti nasao a sakit kasta pay ti contact tracing kadagiti nakapulapol pasyente pakairamanan ti pimmusay iti UK variant sadiay.
malaksid iti dayta, impettengna a saan a mamati ni Mayor Salda nga awan ti kaso ti Baguio City iti UK variant nangruna ta mapapati a Local Transmission ti rason ti ipupusay ti 84-anyos a lalaki manipod iti munisipyo a positibo iti UK Variant.
