--Ads--
BAGUIO CITY – Natiliw ti maysa a drug personality iti naisayangkat a buy-bust operation sadiay Km. 5, Pico, La Trinidad, Benguet idi kalman.
Nabigbig daytoy a ni Philip Pablo, 32-anyos, maysa a porter.
Inlakona ti maysa a pakete ti maatap a shabu iti operatiba a nagserbi a poseur-buyer.
Nakumpiskar metlaeng iti ikot ni Pablo ti lima a pakete ti maatap a shabu, ti cellphone nga inaramatna iti transaksion ken sumagmamano a drug paraphernalia.
Nakumpiskar pay kenkuana ti maysa a vial a naglaon ti maatap nga iligal a droga ken maysa a botelya a naglaon metlaeng ti maatap nga iligal a droga.
Sumangsango metten daytoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
