BAGUIO CITY – Amken ti Baguio General Hospital and Medical Center (BGHMC) nga umado manen ti kaso ti COVID-19 iti siudad kagiddan ti panaglukay kadagiti restrictions a maipatpatungpal.
Immunan nga inlukat ti siudad ti turismo kadagiti fully vaccinated nga indibidual.
Sigun kenni Dr. Thea Pamela Cajulao, infectious disease specialist ti BGHMC, manamnama ti panangngato ti kaso ti COVID nangruna ta napalubusan ti non-essential travels.
Kinunana a maawatanda met ti panggep ti lokal a gobierno gaputa para daytoy iti ekonomiya ti siudad.
Immuna metten nga inwaragawag ti City Tourism Office a mangrugi inton November 1 ket mapasangbayan ti adu a turista kalpasan ti panagrehistro dagitoy iti online VISITA registration ti siudad.
Kinunana a namnamaenda ti panagngato ti kaso nangruna ta umadani manen ti holiday season kas iti napasaran idi napalabas a tawen.
Nupay kasta, kinuna ni Dr. Cajulao a babaen iti panagpabakuna kontra iti COVID-19 ket saan la unay a mapasaran ti panagngato ti kaso ti nasao a sakit kas idi napalabas a tawen.
