Agtaltalinaed a zero wenno awan paylaeng ti nangipila iti kandidaturana para iti kina-mayor ken kina-bise mayor iti siudad ti Baguio.
Iti interview ti Bombo Radyo kenni COMELEC Election Officer Atty. John Paul Martin, kinunana a pakabuklan iti dose nga agkandidato ti nangipila iti kandidaturana manipud iti umuna aldaw agingga iti maikalima nga ti filing of Certificate of Candidacy.
Nupay kasta, ur-urayen paylaeng dagitoy dagiti agkandidato para iti kina-mayor ken kina-bise mayor.
Namnamaen dagitoy nga addan to mangipila inton bigat wenno iti maudi nga aldaw ti filing of Certificate of Candidacy.
Idagdagadagna met kadagiti agpangpanggep a mangwithdraw iti kandidaturana nga impila dagitoy nga agingga laeng inton martes ti maudi nga aldaw ti filing of Certificate of Candidacy a mabalin nga iwithdraw.
Kabayatanna, inlawlawagna met a mabalin a mapilaan iti petisyon dagiti mangipila iti kandidaturana no saan a pudpudno ti insuratda iti Certificate of Candidacy form dagitoy kalpasan ti lima nga aldaw iti deadline ti nasao a panangipila iti kandidatura.
