Impeksa ni Interior Secreatry Jonvic Remulla a ti napateg ket napakaammuan ti publiko iti impablaak dagitoy iti social media, seknan kadagiti lugar a kanselado ti klase ken ti trabaho ti gobierno idi July 22, 2025.
Daytoy ti sungbat ni Remulla kalpasan a nababalaw ti “Walang Pasok” a social media post ti DILG.
Maibasar iti sumagmamano a social media post iti DILG: Mga Abangers, Sarap ng bogchi ko. Sa kabusugan ay naka idlip nang sandali. Oh eto na inaabangan ninyo!
Sigun kadagiti sumagmamo a netizen a nangbabalaw iti nasao a social media post, saan a nakakatkatawa, awan riknana, ken inakusaranda nga awan ti propesionalismo ken pannakipagrikna ni Remulla.
Nupay kasta, kinuna a maawatanna ti panangbabalaw dagiti netizens ngem ti punto na ket maammuan ti publiko dagiti kasapulan a maamuanda seknan iti pannakakanselar ti trabaho ket klase dagiti estudiante.
Impeksa pay ti nasao nga opisial a normal dagiti bashers ken innayonna nga ar-aramidenna laeng ti trabahona.
