Impetteng ti Palasyo Malakanyang nga adalenda ti posibilidad a kasapulan a maipaayan iti lisensiya dagiti social media platforms sakbay nga agoperate dagitoy iti pagilian.
Daytoy ket kasaruno dagiti insidente ti pammaltog kadagiti pagalan a maatap nga impluwensiya dagiti sumagmamano a social media.
Sigun kenni Palace Press Officer Atty.Claire Castro, napintas ti House Bill No.4786 wenno ti naisingasing a wagas a mangimandato kadagiti social media platforms a maaddaan iti legislative franchise.
Nupay kasta, kinuna ni Atty. Castro a kasapulan ti kanayonan a pannakarepaso ti addang agsipudta posible nga adda ti positibo ken negatibo nga epekto daytoy.
Kabayatanna, kinuna ni Castro a kasapulan metlaeng nga aramaten ti Presidente ti ‘strong political will’ kontra kadagiti nasukir a social media platforms a saan a makatulong iti gobierno a mangpasardeng kadagitoy a kita ti kinaranggas.