Pinaglibakan ti Malakanyang idi kalman a ti presensia ni President Ferdinand Marcos, Jr. iti naangay a campaign sortie ti administration coalition idiay Cebu ket kas panagsuporta kenni suspended governor Gwen Garcia.
Daytoy ket kalpasan a nasuspinidr ni Garcia babaen iti pammilin ti Ombudsman.
Sigun kenni Palace Press Officer Claire Castro, saanna a makitkita a daytoy ket maysa a panagsuporta kenni Garcia.
Maipalagip nga itay laeng nabiit, kinuna ni President Marcos Jr. a rumbeng a patas ti panangtrato nga addan ti panagraem iti opisina ni Garcia, a sinuspindir ti Ombudsman gapu iti maysa a construction project.
Nagkedked a bummaba iti puesto ni Garcia kagiddan ti panangdamagna iti oras ti suspension order, dua a lawas sakbay ti midterm elections.
Sakbay pay daytoy, impasigurado ti Malakanyang a saan a makibiang iti nasao a banag.
