BAGUIO CITY – Mamati ti ama ti Buguias, Benguet nga addan ti agraraira sadiay a baro a variant ti COVID-19.
Sigun kenni mayor ruben tinda-an, atapenna a nakastrekken ti UK variant iti municipyo dagitoy kasaruno ti panakailistada iti napartak a panagwaras ti COVID-19.
Nupay kasta, linawlawaganna nga ur-urayenda paylaeng ti resulta ti impatulodda nga specimen iti Philippine Genome Center tapnu maamuan no anya ti strain ti COVID-19 nga agraraira iti agdama sadiay Buguias.
Imbinglayna pay nga agtaltalinaed a high risk area ti Buguias iti impeksion ti COVID-19 ken adu ti nailistada a pimmusay a konektado iti nasao a sakit bayat a nabbaba ti bilang dagiti maim-imbagan sadiay manipud iti COVID-19.
Gapu iti daytoy, palpalagipanna manen dagiti umili ti Buguias iti kanayon a panagtungpal dagitoy iti health protocols nangruna kadagiti lamay, kasar ken dadduma a pakaur-urnongan dagiti tattao.
