“No comment” ni President Ferdinand Marcos Jr. seknan iti mapagsasaritaan a posible a “Sara-Imee” tandem para iti 2028 elections pakairamanan ti “Leni-Risa” tandem.
Maipalagip nga inyanunsyo ni Vice President Sara Duterte idi kanikadua ti planona a panagtaray kas presidente inton sumaruno nga eleksyon a sinungbatan ti Malacanang ti “Good Luck”.
Sigun kenni Palace Press Officer Undersecretary Claire Castro, iti agdama, saan a kayat a pagsaritaan ti presidente ti pulitika nangnangruna ta adayo pay laeng ti eleksyon.
Innayonna a mannarimaan a naka-pokus ti presidente kadagiti trabaho na kas chief executive.
Kabayatanna, pinaglibakan ti Palasyo ti sayangguseng a makisarsarita daytoy kenni sigud a Vice President wenno Naga City Mayor Leni Robrero para iti 2028 Presidential Elections.
Sigun kenni Palace Press Officer Usec. Claire Castro, awan ti mapaspasamak nga anyaman a saritaan wenno addang manipud iti agdama nga administrasyon iti panangsapol ti kandidato para inton sumaruno nga eleksyon.
Innayon pay ni Undersecretary Castro, makumikom ita ti presidente kadagiti isyu ti flood control ken panangpasayaat ti ekonomiya, saan nga iti isyu ti pulitika. // Bombo Karen Calpoe Sapirao
