Binisita ni President Ferdinand Marcos Jr. ti tanem ti ama daytoy a ni sigud a President Ferdinand Marcos Sr. iti Libingan ng mga Bayani ita nga aldaw kas panakaobserbar ti All Saints Day ken All Souls Day.
Iti panagbitla ni President Marcos Jr., impeksana dagiti nasasayaat a panangidaulo ti amana iti pagilian bayat nga inkarina nga ituloyna nu anya ti narugian daytoy para iti panagdur-as ti Pilipinas.
Kadua ni Marcos Jr. ni First Lady Imelda Marcos ken naipatungpal ti misa a nakipasetan dagiti supporters ti pamilya a Marcos.
Maipalagip a pimmusay ni sigud a President Marcos Sr. idi Setyembre 28, 1989 ken daytoy ket naiyalis iti Libingan ng Bayani idi Nobyembre 18, 2016.
Kabayatanna, nangipaay ni President Marcos Jr. iti sabong iti tanem da sigud a Senador Benigno “Ninoy” Aquino Jr., sigud a president Corazon “Cory” Aquino ken sigud a president Benigno “Noynoy” Aquino III iti Manila Memorial Park.
