Inkari ni President Ferdinand Marcos Jr. a lapeddanna amin a “criminal attempts” kagiddan ti statement ni Vice President Sara Duterte nga ipa-assasinatena daytoy kasta met ni First Lady Liza Araneta-Marcos ken ni Speaker Martin Romualdez nu adda ti saan a nasayaat a mapasamak kenkuana.
Sigun kenni President Marcos Jr., makapadanag dagiti statements ni Duterte nangruna ket addaan daytoy iti panggep a mangpatay.
Impeksa ni Marcos Jr. a nu nalalaka ti pagplano iti panangpapatay iti presidente kasano pay kadagiti ordinaryo a tattao.
Gapu iti dayta, dagiti pananggandat a panangpapatay ket rumbeng a seryosoin.
Innayon pay ti presidente nga adda ti sinapataan dagitoy nga opisyales ti pagilian nu sadino nasken a ramaenda ti konstitusyon wenno linteg ti pagilian nangruna ket demokratiko ti Pilipinas.
Kabayatanna, impalagip ti presidente ti mandato nga intalek ti publiko kadagitoy nga opisyales rason a pagpokusanda kuma ti trabaho dagitoy para iti panagdur-as ti pagilian a Pilipinas.
