Nakasangpeten ni President Ferdinand Marcos Jr. sadiay Czech Republic para iti state visitna.
Iti panagbisitana iti nasao a pagilian, manamnama a kasinnarakna ni Czech Prime Minister Petr Fiala.
Manamnama met a makikinnita daytoy kadagiti Filipino community ken kadagiti nagduduma a business liders para iti panangguyugoyna ti ado a foreign investment a mabalin a sumrek iti pagilian.
Idi tawen 2022, nagserbi ti Czech Republic kas maika-39th trading partner ken maika-47th import supplier ti pagilian.
Ti nasao a pagilian ket pagaammo iti industriya ti automotive, panagrepair kadagiti appliances, manufacturing, IT communications, real estate, health and wellness ken household service work.