Pinadayawan ni President Ferdinand Marcos Jr. ti Armed Forces of the Philippines gapu iti panagteppelda a makilaban iti pagilian a China kagiddan ti panangidepensarda iti soberanya ken interes ti pagilian a Pilipinas iti West Philippine Sea nga agingga iti agdama ket tagtagikuaen ti China iti laksid a naipaay ti arbitral award iti Pilipinas idi tawen 2016.
Sigun kenni Armed of the Philippines chief of staff General Romeo Brawner Jr., bilin ni Marcos Jr. ti saan a panangipakaro iti tension iti nagbaetan ti dua a pagilian maipapan iti West Philippine Sea.
Maipalagip nga idi Hunyo 17, 2024 ket maysa a Philippine Navy ti nadangran gapu iti kinaranggas nga impakita ti Chinese Coast Guard (CCG) kadagiti rubber boats ti pagilian a mangpaspasardeng kadagitoy a mangideliver kdagiti taraon, firearms ken daduma pay a pagkasapulan a banag iti BRP Sierra Madre.
Makita pay kadagiti naipablaak a videos a dagiti Chinese Coast Guard (CCG) ket nagaramat ti natatadem a banag rason a nadadael ti navigational screen dagiti barko.
Gapu iti dayta, agkidkiddaw ti Armed Forces of the Philippines ti P60 million a danyos manipud China para iti panakatarimaan dagiti nadadael a kagawaan ken barko ti pagilian.