Pinirmaanen ni President Ferdinand Marcos Jr. ti baro a linteg maipapan iti panakairuar ti passport iti pagilian, sigun iti Presidential Communications Office (PCO) idi kalman.
Ti Republic act No. 11983 wenno ti “New Philippine Passport Act” ket napirmaan idi Marso a onse ti agdama a tawen.
Babaen ti “New Philippine Passport Act,” maimanmandato ti Department of Foreign Affairs (DFA) a mangaramid ken mangmintinir ti online application portal ken Electronic One-Stop Shop a nalaka a ma-access iti website dagitoy.
Malaksid iti dayta, naikkan ti otorisado ti nasao a departamento a mangipaay ti offsite ken mobile passport services kadagiti lugar a saan a paset ti consular offices ken foreign services posts dagitoy.
Rumbeng met a mangipaay daytoy ti akomodasyon kadagiti senior citizens, persons with disabilities (PWDs), kadagiti masikog, menor de edad ken daduma pay.
