Inlawlawag ni international law expert Atty. Ralph Sarmiento nga adda kenni President Ferdinand Marcos Jr. ti desisyon no ma-extradite sadiay America ni Pastor Apollo Quiboloy.
Sigun kenni Atty. Sarmiento, masapul nga ikonsidera ni President Marcos ti relasion ti Estadus Unidos ken Pilipinas.
Maibasar iti pagannurotan nga inkeddeng ti Korte Suprema, mabalin laeng a mangrugi ti extraditing iti kanito a mangipila ti official designated counsel iti beripikado a petision iti sanguanan ti extradition court.
Maibalud iti National Bureau of Investigation ti subject ti extradition request bayat a manarimaan ti proseso iti korte.
Immuna a kinompirmar ti Department of Foreign Affairs a naawatdan ti extradition request ken impasada iti Department of Justice.
Kabayatanna, patien ti abogado ni Quiboloy a ni Atty. Ferdinand Topacio a saan a maiduron ti extradition agsipudta, adda paylaeng dagiti lokal a kaso a nakasagana kontra kenni Pastor Quiboloy.
