Nakadanonen ni President Ferdinand Marcos Jr. idiay Vancouver, Canada ita nga aldaw, oras iti Pilipinas, para iti maysa nga official visit daytoy a panggepna a mapauneg ti relasion iti dua a pagilian.
Naituding a makitaripnong ni President Marcos kenni Canadian Prime Minister Mark Carney tapno pagsaritaan ti panangpapigsa iti kooperasyon, karaman ti negosasyon para iti Philippines-Canada Free Trade Agreement ken ASEAN-Canada Free Trade Agreement.
Manamnama metlaeng nga ital-o iti presidente ti panangiserrek iti ad-adu nga investment iti Canadian kadagiti sektor iti panagminas, renewable ken nuclear energy, telecommunications, IT-BPM, cybersecurity, ken financial services.
Makitaripnong metlaeng kadagiti lider iti pribado a sektor, ken iti Filipino community idiay Canada, a mapatta-patta a dandani maysa a milion dagiti Pilipino sadiay.