Pinirmaanen ni President Ferdinand Marcos Jr. ti Republic Act No. 11984 wenno ti “No Permit, No Exam Prohibition Act” a mangimanmandato kadagiti pampubliko ken pambribado a pagadalan a palubosenda dagiti “disadvantaged” nga estudyante nga agala ti periodic wenno final examinationsda iti laksid nga awanan dagitoy ti kaskenan a permits.
Ti “No Permit, No Exam Prohibition Act” ket sakuponenna amin dagiti pampubliko ken pampribado a K to 12 institutions, dagiti higher education institutions ken technical-vocational instutions nga agidiadiaya ti long term courses.
Nadutukan ti Department of Social Welfare and Development (DSWD) nga isuda ti mangbigbig no siasino dagiti “disadvantaged students.”
Kabayatanna, dagiti local officers ket rumbeng a mangi-isyu ti certificates kadagiti apektado nga estudyante a mangberberipikar no dagitoy ket nakapasar ti kalamidad, emerhensiya wenno anyaman a “justifiable” a rason a nakabasar iti pagannurutan ti Department of Social Welfare and Development.
Nu pay kasta, otorisado dagiti pagadalan nga agkiddaw ti promissory note, ti mang-hold kadagiti credentials ti estudyante agingga a mabayadan ti tuition wenno anya man a saan a nabayadan ti estudyante.
Manamnama nga agepektibo ti linteg kalpasan ti panakaipablaakna iti Official Gazette wenno iti newspaper kalpasan ti sangapullo ket lima nga aldaw.
