Saanen nga umatendar ni President Ferdinand Marcos Jr. ken First Lady Liza Araneta-Marcos iti maangay a United Nations General Assembly (UNGA) idiay New York inton September 23 agingga 27.
Daytoy ket kinumpirmar iti Presidential Communications Office idi laeng kalman nu sadino, ti Department of Foreign Affairs (DFA) ti nadutukan nga umatendar.
Ti panagbaliw ti desisyon ti presidente nga immunan a nangipakaammo a makipartisipar iti nasao nga high-level general debate ket tapno matutukanna dagiti lokal a pakaseknan.
Kabayatanna, immuna metten a kiniddaw dagiti manmanday-linteg a mangisumitir ti Department of Foreign Affairs iti resolusyon iti United Nations General Assembly seknan iti panakatubngar iti China tapno raemenna ti 2016 arbitral ruling ken agsardeng a mangipatungpal kadagiti agresibo a tignay kontra iti Pilipinas mainaig iti pakaseknan iti West Philippines Sea.
