Inaklon ti Malakanyang a nakigtot ni President Ferdinand Marcos Jr. iti pannakairaman ken iti isusuko ni sigud a Senator Ramon Bong Revilla.
Iti baet daytoy, impetteng ni Palace press officer Claire Castro a takderan ti presidente ti naipatungpal nga imbestigasyon iti maanomalya a flood control projects iti pagilian uray pay kaalyadona daytoy nangruna nu adda ti basaran.
Innayon ni Castro a nabayagen ti agtultuloy a panangpasungbat dagiti awtoridad kadagiti karaman kadagiti anomalya ken saan laeng a kenni Revilla
Sigun pay kenni Castro, sakbay ti paskua ket adon dagiti naipaulog a warrant of arrest nu sadino karaman ditoy dagiti agasawa a Curlee ken Sara Discaya a natiliw ken nakabalud itan.
Ni Revilla ket maitudtudo nga adda pakainaiganna iti malversation babaen iti falsification of public documents a konektado iti iregularidad iti maysa a flood control project idiay Pandi, Bulacan.
