Idagdagadag ti Presidential Anti-Organized Crime Commission (PAOCC) ti publiko nga agannad kadagiti illegal online lending apps.
Daytoy ket kalpasan a nagreklamo dagiti sumagmamano a nagutang iti harassment, pammutbuteng, ken dadduma pay a kita ti abusado a panagkolekta.
Nangiyuswat metlaeng ti nasao nga ahensia iti educational video tapno mapakaamuan ti publiko seknan iti peggad ti transaksion kadagiti illegal online lending apps.
Nakikoordinar metten ti Presidential Anti-Organized Crime Commission (PAOCC) iti Philippine National Police ken Securities and Exchange Commission, ken National Telecommunications Commission, tapno maimbestigaran ti ngumatngato a reklamo kontra kadagiti abusado nga online lending apps.
Kabayatanna, idagdagadag ni PAOCC Undersecretary Gilbert Cruz ti publiko nga ag-avail kadagiti legitimate wenno government-sponsored loan facilities saan a dagiti unregistered lending apps.
