Inwaragawag ni President Ferdinand Marcos Jr. nga inyendorsona ti presidential cadidate a mangituloy iti programa, polisiya, anti-corruption ken mangipaay iti nasaysayaat nga insiatiba para iti panagdur-as ti pagilian.
Saanen a dinakat ti presidente no siasino ti posible nga iyendorso na.
Daytoy ti insungbat ti presidente, kalpasan a nadamag no iyendorsona ti maysa a kadidato a kontra iti Duterte.
Kabayatanna, kinuna ni President Marcos Jr. a saanda paylaeng a napagsasaritaan ti maipapan iti 2028 presidential elections.
Sigun kenkuana, adda ti posibilidad a mangbukel ti Partido Federal ng Pilipinas iti alyansa, kadua dagiti dadduma a grupo.