Agtalinaed ni Presidential Communications Undersecretary Claire Castro kas Palace press officer.
Kinumpermar daytoy ni Presidential Communications acting Secretary Dave Gomez idi July 30, 2025.
Immuna a kinuna ni Gomez a nangisubmitir ni Castro iti courtesy resignation letter.
Kasaruno daytoy iti bilinna nga amin a nadutukan iti Presidential Communications Office (PCO) ket mangisubmitirda iti courtesy resignation.
Paset daytoy ti revamp ti communications arm ti Malacañang Palace.
Maipalagip a nadutukan ti seasoned trial lawyer a ni Castro iti Presidential Communications Office idi Pebrero, kaduana ni sigud a Presidential Communications acting secretary Jay Ruiz.