Inwaragawag ti Department of Agriculture a ngimmato iti P2 tunggal kilo ti presio ti regular ken well-milled rice.
Sigun kenni Arnel De Mesa, Agriculture Assistant Secretary ti Department of Agriculture, dumanon iti P51 agingga P52 tunggal kilo ti presio ti bagas no idilig idi napalabas a P50 agingga P51 tungal kilo.
Innayon ni De Mesa a dukduktalen dagitoy ti rason iti panagngato ti presio, agsipudta panawen ita ti panagapit dagiti mannalon, nu sadino rumbeng kuma a nababa ti presio ti nasao a produkto.
Maibasar iti kaudian a monitoring ti Department of Agriculture, dumanon iti P48 agingga P58 ti tungal kilo iti local regular rice; local well-milled rice a P48 agingga P55 tunggal kilo; local premium rice a P51 agingga P58 tungal kilo ken ti local special rice a dumanon met iti P57 agingga P67 tungal kilo.
Kabayatanna, agay-ayam met iti P48 agingga P51 ti presio ti imported regular rice, P50 agingga P58 tungal kilo iti imported well milled rice; P50 agingga P62 tunggal kilo iti imported premium rice bayat a P56 agingga P64 tunggal kilo ti imported special rice.
