BAGUIO CITY – Ngimmina ti presyo dagiti sumagmamano a highland vegetables kasaruno ti panagdalapos ti bagyo a neneng.
Iti interview ti Bombo Radyo, kinuna ni Jesson Del-amen, Chief Operations Officer ti BAPTC, ado ti natamaan a nateng iti nasao a bagyo nangruna dagiti naimula kadagiti open fields a nalaka a madadael.
Idi kalman, ngimmina ti presyo ti cabbage scorpio iti P40 agingga P41 tunggal kilo, rare ball cabbage iti P35-P37, cabbage wonderball iti P36-P24, patatas granula iti P50-P60, carrot iti P50-P95, broccoli iti P40-P200, cauli flower iti P70-P75, radish iti P25-P28, lettuce ken green ice iti P30-P35, onion leeks iti P50-P55, celery iti P80-P95 ken Yellow lemon iti P20-P35, depende iti klase ken kapintas dagitoy.
Sigun kenni Del-aman, awan pay ti naireport kadakuada a mannalon a nagkiddaw ti tulong manipud kadakuada kalpasan ti bagyo.
Impetteng ti opisyal a manamnama ti agtultuloy a panagngato ti presyo dagiti highland vegetables kagiddan ti isasangbay ti undas.//MarjorieSalting
