Posible a ngumato ti presyo dagiti sumagmamano a nateng ken ikan gapu iti epekto ti Habagat, bagyo a Luis ken Maymay iti pagilian.
Maibasar iti datos ti Department of Agriculture (DA), dumanon iti P1.4 billion ti nadadael iti sektor ti agrikultura.
Sigun iti ahensiya, posible a ngumato ti presyo ti cauliflower iti P180 agingga P350 manipud iti P120 agingga P270.
Kabayatanna, P40 agingga P150 ti posible a ngumatuan ti petchay Baguio bayat a ti carrots ket dumanon iti P170 tunggal kilo.
Mainaig iti dayta, posible a ngumato metlaeng ti presyo ti repolyo, ampalaya, talong ken string beans.
Kabayatanna, ngimmato metlaeng ti presyo dagiti sumagmamano nga ikan.
Sigun iti DA, dumanon iti P400 ti tunggal kilo ti galunggong, bayat a dumanon iti P160 agingga P320 ti presyo ti bagus ken ti Tilapia a P200 tunggal kilo.