BAGUIO CITY – Agtultuloy a ngumatngato ti presyo ti bagas iti nagduduma a merkado iti Baguio City ken Benguet.
Iti interview ti Bombo Radyo kenni Nicholas “Jun” Medrano, Presidente ti Grains Retailers Confederation of the Philippines Baguio-Benguet, ti kababaan a presyo ti bagas iti agdama ket P49 tunggal kilo para iti well milled rice nu sadino nangatngato nu idilig idi napalpalabas a lawas.
Kinunana pay a ti rason ti panagngato ti bagas ket gapu iti kinakurang ti suplay nu idilig iti panagkasapulan iti merkado.
Sigun kenni Medrano, saanda a makitkita a bumaba ti presyo ti bagas iti sumarsaruno a bulan gapu ta nangato ti puunan, kurang ti apit wenno produksyon ken awan ti stocks iti syudad ken probinsya ti Benguet.
Impeksa pay ni Medrano a maysa kadagiti rason iti panagngato ti bagas ket gaputa awan ti imported a bagas ti sumsumrek iti pagilyan.//Bombo Benjo Guzman
