![](https://img.bomboradyo.com/baguio/2019/10/chicken-meat.jpg)
BAGUIO CITY – Ngimmato ti presyo ti karne ti manok kadagiti merkado ditoy siudad ti Baguio gapu paylaeng iti epekto ti African Swine Fever (ASF).
Sigun kadagiti agilaklako ti karne ti manok iti Baguio City Public Market, immado dagiti konsyumers ti karne ti manok ditoy siudad.
Kinunada nga iti agdama ket magatang ti tunggal kilo ti karne ti manok iti P150-P160 manipud iti sigud a P120-P130.
Sigun kenkuana, likliklikan ita dagiti tattao a gumatang iti karne ti baboy gapu iti amak dagitoy iti ASF iti baet a saan nga apektado dagiti mailaklako a karne iti siudad iti nasao a sakit dagiti baboy.
Kinuna met dagiti konsyumer a nakapatang ti Bombo Radyo nga uray awan ti ASF iti lokalidad ket agan-annadda latta babaen iti panagliklikda iti karne ti baboy. (with Bombo Nikki Agsiweng)