Posible a ngumato ti presyo dagiti produkto a petrolyo intun sumaruno a lawas, maibasar iti pattapatta ti oil industry source.
Sigun kenni Rino Abad, director ti Department of Energy-Oil Management Bureau, dakkel ti posiblidad a ngumato ti presyo ti petrolyo intun Martes, Setiembre 08, 2026.
Binalakadan ni Abad dagiti motorista a punnuenda dagiti tangkeda sakbay nga agepektibo ti panagngato ti presyo.
Saan nga inkeddeng ni Abad ti eksakto a panagngato ti presio ti diesel, gasolina, ken kerosina agsipudta, ur-urayenda pay laeng ti resulta ti lima nga aldaw a trading iti world market.
Nupay kasta, inwaragawag ti maysa nga oil industry source a posible a ngumato ti presio ti diesel iti P4.00 agingga iti P4.50 bayat a ti gasolina ket posibe a ngumato iti P3.50 agingga iti P4.00 tunggal litro.
