BAGUIO CITY–Mapagpanggep ita ti pannakaisayangkat ti price ceiling iti karne ti baboy ditoy Baguio City kasaruno ti napasaran a nangina a presyo dagitoy idi napalabas a bulan.
Sigun kenni DA Regional Executive Director Cameron Odsey, addan ti inisyal nga taripnong dagitoy iti City Veterinary Office, Animal Meat Inspection Service ken ti lokal a gobierno para iti posible a panakaituding ti price ceiling.
Nupay kasta, kinunana nga adda manen ti maisayangkat nga taripnongda intun bigat para iti pinal nga desisyonda iti panakaituding ti presyo ti baboy.
Kabayatanna, inlawlawag ti Department of Agriculture ti killaat a panagngato ti presyo ti karne ti baboy a napasaran idi Enero agingga iti agdama.
Kinuna ni Odsey a malaksid iti African Swine Fever a nangitunda iti kinakurang ti suplay ti karne nu sadinno nagbalin a kakompitensia ti Baguio City ken Benguet ti Metro Manila ke Ilocos region a kadawyan a pagtataudan ti baboy a maiturturong iti lokalidad.
Inaklonna nga 100% iti pork requirement ket agtataud iti ruwar ti lokalikdad ken 28% laeng ti meat sufficiency ditoy siudad isunga ngimmina ti presyo ti baboy. (with Bombo Janice Juanito)
