Impasigurado ti Benguet Electric Cooperative(BENECO) nga amin a maaw-awat dagitoy a mensahe manipod iti publiko ket mabasbasada gapu ta adda dagiti nadutukan a consumer welfare officers a mangkita kadagitoy 24/7.
Iti panakiuman ti Bombo Radyo kenni Laarni Ilagan, Community Relation Associate iti Benguet Electric Cooperative(BENECO), inlawlawagna a kasapulanda metlaeng nga i-assess dagiti mensahe nu dagitoy ket nasken a maipangruna.
Sigun kenni Ilagan, karaman kadagiti kasapulanda nga ipangruna a respondean dagiti priority installation kas iti military installation, hospital installation, ken daduma pay nga opisina iti gobyerno a maapektaran iti didigra.
Impettengna a nu dagiti mensahe a maawatda ket maipanggep laeng iti “no light and others” ket saan unay maipangruna ngem adda a maisurat dagitoy ken masublianan.
Mainaig iti dayta, kidkiddawen ni Ilagan ti panaganus ken panakaawat iti publiko gapu ta tunggal adda ti mapasamak a didigra, maipangpangruna ti kinatalged dagiti linemen nu sadino, bilbilinen dagiti managers dagiti amin a personnel iti nasao nga opisina nga kitaenda nga umuna ti seguridad ti pamilya dagitoy.//Bombo Rob Dominguez
