Naglusolus ni Mongolian Prime Minister Luvsannamsrain Oyun-Erdene gapu iti nasayaat a panagbiag ti anakna.
Nagdesision a bumaba iti puesto ti Mongolian Prime Minister kalpasan ti panangwaras ti video ken ladawan ti anakna a lalaki nga agbibiag iti narang-ay nga estilo ti panagbiag.
Kadagiti ladawan, maimatangan ti panag-shopping ti anakna kaduana ti nobiana iti engagement holiday dagitoy.
Gapu iti daytoy, adu ti nangbabalaw manipod iti kritiko ken maibagbaga nga awan ti kabaelanda a gumatang ti nangingina a kagawaan nu awanda iti puesto.
Adu nga protesters ti naguumong iti kalsada tapno kiddawen ti panaglusulos ti nasao nga opisial.
Pinaglibakan met ni Oyun-Erdene ti nasao nga alegasion ken kinunana a panangdadael laeng daytoy kenkuana.
Nupay kasta, nagbutos dagiti kameng ti parlamento ket inkeddengda a papanawen ni Oyun-Erdene.
