Patien ti prime minister ti Thailand nga amin nga indibidual agraman dagiti dadaulo iti maysa a pagilian ket nalaka a maapektaran iti napartak a panagsaknap ti phone scams.
Kasaruno ti napasarananna a nakaawat iti tawag manipud iti AI system nga agkidkiddaw iti kuarta iti timek ti sabali a nalatak a dadaulo ti gobierno.
Saan a dinakamat ni Shinawatra nu siasinno ti agpampammarang ngem impaganetgetna a nakaawat ti mensahe babaen ti voice identical ti maysa a nalatak a dadaulo ti gobierno.
Sigun iti nasao nga opisial, agkidkiddaw ti umaw-awag ti kuarta ken ibagbagana nga isuna laeng ti kakaisuna a pagagilian iti Association of Southeast Asian Nations a saan a nangidonar.
Kinunana a siasinoman a nangipatulod iti mensahe ket nalabit a nagaramat iti AI tapno alaenna ti timek ti saanen a nainaganan a lider iti lubong.
