Impakaamo ni Senator Ronald “Bato” dela Rosa a ti prime suspek iti panakaawan ti beauty pageant constestant Catherine Camilon a ni Police Major Allan de Castro ket nawayawayaanen manipud iti senate detention.
Sigun kenni Dela Rosa, winayawayaanna ni de Castro agsipud ta agbakasyon ti senado iti agarup maysa a bulan no sadino awan ti mapasamak a hearing.
Kinuna ni Dela Rosa a no adda ti mapasamak a hearing, adda nga awaganda manen daytoy.
Innayon ti senador nga inkonsultana kenni Senator Robin Padilla ti nasao a banag ken immanamong daytoy iti panakawayawayana.
Kabayatanna, imbinglay ti senador nga adda ti napasamak a saritaan iti nagbaetanda kenni De Castro ken inlibakna nga awan ti relasyonda ken Camilon bayat a maksangit daytoy.
Nu pay kasta, saan ladta a kumbinsido ni Dela Rosa iti daytoy.
