Kontrolado dagiti maseknan nga otoridad dagiti mapapati a private armed groups nga adda iti Rehion Cordillera.
Nupay kasta kinuna ni Atty. Julius Torres, Regional Director ti Commission on Elections-Cordillera nga ituloy dagiti kameng iti pulisya ti monitoring dagitoy iti baet ti nasao a resulta.
Impanamnama daytoy ti panangsigurado dagiti kameng iti law enforcement agencies iti rehion a kontrolado ti panagadu dagiti armado a grupo.
Impeksa pay ni Atty.Torres a saan a dakkel a parikut iti rehion dagiti makakanigid a grupo.
Kabayatanna, kinunana ti nasao nga opisyal a nasaysayaat nu makikoordinar dagiti kandidato kadagiti law enforcement agencies nu dagitoy ket agturong kadagiti lugar nga addaan iti maatap a kameng iti armado a grupo tapno maprotektaran dagitoy.
Namnamaen met ti nasao nga opisial nga agtultuloy ti linak ken kappia iti Rehion Cordillera.//mp4
