--Ads--
Patien ni Bukidnon 2nd District Rep. Jonathan Keith Flores a posible a makumpleto ti House Committee on Justice ita nga Abril ti probable cause stage ti impeachment kontra kenni Vice President Sara Duterte.
Sigun kenni Flores, mabalin nga umabante iti plenaryo ti impeachment iti kanito a malpas ti proseso.
Iti agdama, manarimaan paylaeng a suksukimaten ti komite no adda ti umdas a probable cause.
Daytoy ket kalpasan a napaneknekan nga adda ti umdas a porma, nilaun ken basaran ti impeachment complaint.
Naituding dagiti hearing inton Abril 14, 22, ken 29, ngem mabalin a mayakar a nasapsapa, depende iti taray ti imbestigasion.
