BAGUIO CITY – Nailista ti uppat a kabarbaru a kaso ti COVID-19 iti rehiyon Cordillera ita nga aldaw.
Maibasar iti datos ti DOH-Cordillera, sag dua ti nailista iti probinsya ti Apayao ken Ifugao.
Sigun iti lokal a gobierno ti Apayao ti dua a kabarbaro a kaso ket agpada a residente ti munisipyo ti Flora ken naamuan nga localized stranded individuals(LSIs) dagitoy.
Sigun met iti lokal a gobierno ti Ifugao, ti dua a kaso a nailista sadiay ket residente ti Poblacion East Lagawe ken iti Poblacion North iti kapadana metlaeng a munisipyo.
Gapu iti daytoy naipasidong metten iti temporary lockdown dagiti nadakamat a lugar para iti panakaisayangkat iti disinfection ken contact tracing kadagiti indibidual a nakapulapol dagiti nasao a pasyente.
Kabayatanna, dumanonen iti 123 ti pakabuklan a kaso ti COVID-19 iti rehiyon Cordillera.
