--Ads--
BAGUIO CITY – Agtaltalinaed a napintas ken napigsa ti panag-apit dagiti mannalon ditoy rehiyon Cordillera.
Iti panakipatang ti Bombo Radyo, kinuna ni Department of Agriculture (DA) – Cordillera Regional Director Narcisso Edillo a napintas ti apit iti pagay ken mais sadiay Kalinga, Apayao ken Abra.
Kinunana a gapu iti daytoy ket manamnama a mabaelan ti rehiyon a maartapan ti produksyon ti bagas ken mais idi napalabas a tawen.
Guyguyuguyenna met dagiti mannalon iti saan dagitoy a panagsardeng iti panag-aywanda kadagiti mula dagitoy.
Impalawagna a babaen iti daytoy ket saan laeng a ti rehiyon ti matulungan dagitoy ngem ketdi, uray pay dagiti dadduma a rehiyon nga agkasapulan iti bagas ken mais.
